Thursday , October 28 2021
Breaking News
Home / समाचार / जेठ ३ मा श्रीमती गुमाए, ७ गते छाेरा, अनि हिजाे आफैँ बिते

जेठ ३ मा श्रीमती गुमाए, ७ गते छाेरा, अनि हिजाे आफैँ बिते

काठमाडौं, जेठ १४ । बुटवल-१०, कालिकानगरमा नाै दिनभित्र काेराेनाका कारण एकै परिवारका तीन जनाकाे निधन भएको छ । यीमध्ये एक जनाको हाेम आइसोलेसनमा र दुई जनाकाे उपचारका क्रममा युनिर्भसल मेडिकल कलेज भैरहवामा निधन भएको उनीहरूका आफन्तले बताएका छन् ।

निधन हुनेमा पूर्वजनप्रतिनिधि नरबहादुर गुरुङ, उनकी श्रीमती मनसुवा र छोरा प्रेम छन् । संक्रमित भई घरमै बसेकी मनसुवा नाै दिनअघि ५ जेठमा बितेकी थिइन् ।

वडा नम्बर १० का वडा अध्यक्ष पदम थापाका अनुसार २ जेठमा मनसुवाकाे कोरोना रिपाेर्ट पोजिटिभ देखिएकाे थियाे । ‘श्वासप्रश्वासमा समस्या भएपछि घरमै अक्सिजनको व्यवस्थापन मिलाइएकाे थियाे । तर, ५ गते उहाँ बित्नुभयाे’, वडाअध्यक्ष थापाले भने ।

घरमा श्रीमतीलाई कोरोना पुष्टि भएपछि नरबहादुर र छोरा प्रेमकाे कोरोना परीक्षण गर्दा दुवै जनाकाे रिपाेर्ट पाेजिटिभ आएकाे थियाे । सास फेर्न गाह्राे हुन थालेपछि उनीहरू युर्निभसल मेडिकल कलेजमा भर्ना भएका थिए ।

उपचारकै क्रममा छोरा प्रेम गुरुङको ७ जेठमा निधन भयाे । नरबहादुर गुरुङले हिजो राति अस्पतालमा अन्तिम सास लिएका वडा अध्यक्ष थापाले बताए ।

यस्तै उनीहरूको निधन भएपनि बुहारी (३२) अहिले उपचारकै क्रममा अस्पतालमा छिन् । उनलाई परिवारका सदस्यको मृत्युको खबर समेत दिएका छैनन् । मृतकका आफन्त जेवी गुरुङले कोभिडले परिवार नै उजाड बनाएको बताए । ‘हाम्रो परिवार कोभिडले उजाड बनायो, यसलाई कसैले कमजोरीका रूपमा कसैले नलिऔं,’ उनले भने ।

गुरुङका दुई छोरी र एक छोरा हुन् । छोराको कोभिडका कारण ज्‍यान गइसकेको छ भने एक जना सानो नाति छन् । बाँकी दुई छोरी भने सकुसल रहेको आफन्‍तले बताए ।

About admin

Check Also

प्रेम विवाह गरेको श्रीमतीको मृत्यु भएको २५ दिन पछि श्रीमानले लाशलाई चिहानबाट निकालेर जे गरे कारण देख्दा सबै आश्चर्य चकित !

अब उत्तर प्रदेशको मेरठको यो दुखद प्रेम विवाह हेर्नुहोस् । थाना लिसादी गेट क्षेत्रको करीम …

Leave a Reply

Your email address will not be published. Required fields are marked *