Friday , June 18 2021
Breaking News
Home / समाचार / नेपालमा आज सङ्क्रमणले देखायो यस्तो सङ्केत

नेपालमा आज सङ्क्रमणले देखायो यस्तो सङ्केत

नेपालमा विगत २४ घण्टामा ४,७६२ जना कोभिड बिरामी थपिएका छन्। त्यस्तै सो अवधिमा थप ११४ जनाको मृत्यु भएको स्वास्थ्य तथा जनसङ्ख्या मन्त्रालयले सोमवार जनाएको छ। कुल १७,४८० नमुना परीक्षण गर्दा सो सङ्ख्यामा कोरोनाभाइरस सङ्क्रमण देखिएको हो। तीमध्ये २,४२५ एन्टिजन परीक्षण हो जसबाट ५८४ जनामा सङ्क्रमण पुष्टि भएको मन्त्रालयको तथ्याङ्क छ।

सो अवधिमा परीक्षण गरिएकामध्ये २७ प्रतिशतमा सङ्क्रमण देखिएको छ जुन हालैका दिनहरूमा सबैभन्दा कम हो। थप ६,४९१ जना भने सङ्क्रमणमुक्त भएको मन्त्रालयले जनाएको छ। नेपालमा कुल सङ्क्रमित सङ्ख्या पाँच लाख ६१ हजारभन्दा बढी पुगेको छ जसमध्ये अहिले एक लाख छ हजार चार सय ७० जनामा सक्रिय सङ्क्रमित छन्। तीमध्ये ३९ प्रतिशत महिला हुन्।

कुल सङ्क्रमितमध्ये ८० प्रतिशत निको भएका छन् भने १.३ प्रतिशत सङ्क्रमितको मृत्यु भएको छ। बाँकी सक्रिय सङ्क्रमित छन्। अहिलेसम्म कुल ७,३८६ जनाको मृत्यु भइसकेको छ। कोभिडबाट सबैभन्दा बढी ६० वर्षभन्दा माथिका ३,९६३ जनाको मृत्यु भएको छ भने ५० देखि ५९ वर्षका १,४४२ जना, ४० देखि ४९ वर्षका १,०८४ जना र ३० देखि ३९ वर्षका ६२१ जनाको मृत्यु भएको छ।

मृत्यु हुनेमा ३५ जना १० वर्षभन्दा कमका, ३३ जना १० देखि १९ वर्षका र २०८ जना २० देखि २९ वर्षका रहेको मन्त्रालयको तथ्याङ्कले देखाउँछ। सोमवार सङ्क्रमण पुष्टि भएकामध्ये सबैभन्दा धेरै काठमाडौं जिल्लाका छन्। राजधानीका ८९० जनासहित भक्तपुरका २२० जना र ललितपुरका २५२ जना गरी काठमाडौं उपत्यकामा थप १,३६२ जना सङ्क्रमित थपिएका छन्।

दुई सयभन्दा बढी सङ्क्रमित थपिएका जिल्लामा मोरङ पनि रहेको छ। नेपालका ७७ मध्ये ५० जिल्लामा अहिले ५०० भन्दा धेरै सक्रिय सङ्क्रमित रहेका छन् भने थप ११ जिल्लामा २०० भन्दा बढी सक्रिय सङ्क्रमित रहेका छन्। सक्रिय सङ्क्रमितमध्ये ७,३३८ जना संस्थागत आइसोलेशनमा छन्। तीमध्ये १,४९२ आईसीयूमा र ४२४ जना भेन्टिलेटरमा रहेका छन्।

About admin

Check Also

सवारी साधन चल्न दिइने र सम्पूर्ण व्यवसाय खोल्न दिइने कुरामा भर्खरै आयो नसोचेको खुसीको खबर।

काठमाडौं । देशभर जारी निषेधाज्ञाको स्वरुपमा परिवर्तन गरिने भएको छ । को-भि’ड–१९ सं’कट व्यवस्थापन केन्द्र …

Leave a Reply

Your email address will not be published. Required fields are marked *