Tuesday , October 19 2021
Breaking News
Home / समाचार / खुल्यो अमेरिकामा प्रतिबन्ध, अब यस्ता नागरिकले अमेरिका प्रवेश पाइने

खुल्यो अमेरिकामा प्रतिबन्ध, अब यस्ता नागरिकले अमेरिका प्रवेश पाइने

बीबीसी । अमेरिकाले अहिले सम्म लगाउँदै आएको प्रतिबन्ध खुकुलो बनाएको छ । अमेरिकाले कोभिडका कारण यात्रा प्रतिबन्ध लगाएको थियो । अब यसलाई खुकुलो पार्दै यूके, युरोपियन युनियन र अन्य राष्ट्रका यात्रुलाई अमेरिका प्रवेश पुनः खुला गर्ने भएको छ । पूर्ण मात्रा खोप लगाएका विदेशी यात्रुलाई आउँदो नोभेम्बरदेखि अमेरिकामा प्रवेश गर्न अनुमति दिइनेछ ।

अमेरिकाले गत वर्षदेखि कडा प्रतिबन्धहरू लगाएको छ । यो कदमले युरोपियन साझेदारहरूको एउटा प्रमुख मागको जवाफ दिएको छ । अब प्रतिबन्धका कारण छुट्टिएका परिवारहरू र साथीहरू पुनःमिलन हुन सक्नेछन् ।

ह्वाइट हाउसका कोभिड–१९ संयोजक जेफ जिएन्टस्ले सोमबार नयाँ नियमको घोषणा गरेका हुन् । उनले यो नियम देशमा भन्दा पनि व्यक्तिमा आधारित भएको बताए । त्यसैले यो बलियो प्रणाली भएको उनको भनाइ छ । “एकदमै महत्त्वपूर्ण कुरा विदेशी नागरिकले अमेरिका उड्न पूर्ण मात्रा खोप लगाउनु आवश्यक छ”, उनले भने ।

अमेरिकाले सुरुमा २०२० को सुरुतिर चिनियाँ यात्रुमाथि यात्रा प्रतिबन्ध लगाएको थियो । पछि अन्य देशहरूमा विस्तार गरेको थियो । नयाँ नियमअनुसार विदेशी यात्रुले अमेरिका उड्नुअघि खोप लगाएको प्रमाण देखाउनुपर्नेछ । खोपको पूर्ण मात्रा लिएका यात्रु क्वारेन्टाइनमा बस्नुपर्ने छैन । कुन खोप लगाएको हुनुपर्ने भन्ने बारेमा भने स्पष्ट पारिएको छैन ।

About admin

Check Also

हावाहुरीले प्याराग्लाइडिङ सप्तकोशी खस्यो, वडा अध्यक्ष घा’इते

धरान । आज आएको पानीसंगैको हावा हुरीले भेडेटारबाट उडेको प्याराग्लाडीङ कोसी नदी किनारामा पुगेर ख’सेको …

Leave a Reply

Your email address will not be published. Required fields are marked *