Monday , December 6 2021
Breaking News
Home / आर्थिक / ह्वात्तै घट्यो सुनको मूल्य, तोलाको कति पुग्यो ?

ह्वात्तै घट्यो सुनको मूल्य, तोलाको कति पुग्यो ?

काठमाडौं – बुधबार पनि नेपाली बजारमा सुनको मूल्य घटेको छ । मंगलबार तोलामा २ सय रुपैयाले बढेको सुनको मूल्य आज तोलामा ६ सय रुपैयाले घटेको हो । मंगलबार प्रतितोला ९२ हजार ६ सय रुपैयामा कारोबार भइरहेको छापावाल सुनको मूल्य आज घटेर तोलाको ९२ हजार रुपैयामा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको मूल्य पनि प्रतितोला ९१ हजार ५ सय रुपैयाँमा कारोबार भइरहेको छ । त्यस्तै आज चाँदीको मूल्य भने घटेको छ । आज चाँदीको मूल्य घटेर तोलाको १२ सय ६० रुपैयामा कारोबार भइरहेको छ ।

अन्य समाचार : गाउँ फर्क अभियान शुरु, फर्किनेलाई यति धेरै रकम हाताहाती अनुदान ! तनहुँ – जिल्लाको ऋषिङ गाउँपालिका कार्यालयले गाउँ फर्क अभियानअन्तर्गत रु एक लाख अनुदान दिने निर्णय गरेको छ ।

जग्गाविहीन नागरिकलाई गाउँमा फर्किनका लागि आकर्षण गर्ने उद्देश्यले आवास निर्माणका लागि उक्त रकम दिने निर्णय गरेको हो । गाउँपालिका अध्यक्ष राजेन्द्रकृष्ण श्रेष्ठको अध्यक्षतामा बसेको कार्यपालिका बैठकले उक्त निर्णय गरेको हो । ऋषिङ फर्क अभियानअन्तर्गत जग्गाविहीन स्थानीयवासीलाई आवास निर्माणका लागि उक्त रकम अनुदान दिन सूचना प्रकाशित गर्ने निर्णय गरेको छ ।

गत असार र साउन महिनामा परेको अविरल वर्षाका कारण बाढीपहिराका कारण बस्ती स्थानान्तरणमा क्षति भएका परिवारलाई आवश्यकता हेरी आवास निर्माणका लागि रु ६० हजारसम्म अनुदान दिने निर्णय गरेको छ ।

उक्त बैठकले विद्यालयका इसिडी सहयोगी कार्यकर्ता र कार्यालय सहयोगीको न्यूनतम तलबमापन गर्ने शिक्षा समितिको प्रस्ताव सर्वसम्मत पारित गर्ने तथा सङ्घीय सरकारले व्यवस्था गरेअनुरुप न्यूनतम तलबमापन गर्ने निर्णय गरेको छ ।

वडाध्यक्षको रहर लाग्दो व्यवसाय भानुभक्त पोख्रेल तनहुँको बन्दिपुर गाउँपालिका–१ का वडाध्यक्ष हुनुहुन्छ । जनप्रतिनिधि भए पनि उहाँको स्वभाव भिन्न प्रकारकोे छ । जनप्रतिनिधि हाकिमको स्वभावले नभइ जनता, किसान र मजदूर भएर काम गर्नुपर्छ भन्ने सोच उहाँको छ ।

उहाँले भन्नुभयो “ माछापालन व्यवसायबाट मैले राम्रो आम्दानी गर्दै आएको छु । मेरो प्रेरणाले वडावासी समेत व्यवसाय तर्फ उत्साहित भएर लागेका छन् । ” उहाँले स्थानीयवासीलाई उत्पादनमा सहभागी गराउन र काम गरेर खानुपर्छ भन्ने सन्देश दिन पनि आफू व्यवसायमा संलग्न रहेको बताउनुयभो

बन्दिपुर कृषि फार्म दर्ता गरी उहाँले हाल तीन पोखरीमा माछा पाल्नुभएको छ । करिब तीन रोपनी क्षेत्रफमा निर्माण गरिएको पोखरीमा झण्डै तीन हजार माछा रहेको छन् । माछा बिक्रीको लागि पोखरीमा तयारी अवस्थामा छन् । उहाँले भन्नुभयो, “हिजो सोमबार मात्रै एक सय बीस किलो माछा बिक्री हुँदा रु पचास हजार बराबरको बिक्री भएछ ।”

सामाजिक सञ्जाल फेसबुकमार्फत ‘पोखरीको माछा निकाल्न लागिएकोले आवश्यक पर्नेले घरमा आएर लैजान सक्नुहुनेछ’ भनि स्टाटस राखिएपछि उक्त माछा दुई घण्टामै विक्री भएको उहाँले बताउनुभयो ।

उहाँका श्रीमती मेनका भट्टराईले माछाको हेरचाह गर्दै आउनुभएको छ । पोखरीको रेखदेखमा उहाँले सहयोग गरेपनि माछा बिक्रीको लागि बजार क्षेत्र हेर्ने गरेको वडाध्यक्ष पोख्रेल बताउनुहुन्छ । पोखरीमा कमन कार्प र पङगास जातका माछा छन् । पङगास प्रतिकिलो रु पाँच सय र कमन कार्प रु चार सयमा बिक्री गर्ने गरेको उहाँले जानकारी दिनुभयो ।

पोखरी निर्माणको लागि भेटेरिनरी अस्पताल तथा पशु सेवा विज्ञ केन्द्रबाट दुई पोखरीको लागि रु पचास हजार र कृषि ज्ञान केन्द्रबाट माछाका भुरा निःशुल्क उपलव्ध गराएको हो ।

सुरुमा करिब दुई लाख लगानी गर्नुभएका पोख्रेल दम्पत्तीले दुई लाखको माछा बिक्री हुने विश्वास गरेका छन् । धान, मकै र तरकारीखेती भन्दा माछापालन व्यवसायबाट राम्रो आम्दानी हुने गरेको जनाइएको छ । विज्ञ केन्द्रका प्रमुख डा बालकुमार श्रेष्ठ, प्राविधिक रुद्र ठकुरी र गाउँपालिकाका पशु शाखाका प्रमुख मधुविलास न्यौपानेको निरन्तर प्राविधिक सहयोग लिएर वडामा नमूना माछा फार्म बनाउन प्राथमिकता दिइएको छ ।

About admin

Check Also

फूल चार्जमा ३०० किलोमिटर गुड्ने इलेक्ट्रिक पिकअप नेपालमा, मूल्य कति ?

काठमाडौं । नेपालमा ३०० किलोमिटरसम्म दूरी पार गर्न सक्ने पहिलो इलेक्ट्रिक पिकअप सार्वजनिक भएको छ …

Leave a Reply

Your email address will not be published. Required fields are marked *